SEKEHA SHANTI 276 NGAYAH RING PURA DALEM PENATARAN PESANGGARAN

Nemoning rahina Redite 7 April 2013, ritatkala Manis Kuningan pemargine sekadi sane nguni wantah Ida Betara saking Pura Dalem Mas Jati lan Dukuh Pesirahan janten sampun mererepan ring Pura Dalem Penataran Pesanggaran.  Ida Betara saking rahina dibi saniscara wuku Kuningan lunga ke Pura Sakenan, risampune polih tangkil a rahina, Ida Betara mererepan ring Pura Dalem Penataran, santukan rahina benjang ne jagi kepagpag (kependak) olih damuh2 Ida saking Banjar Karangsuwung lan tyosan. Galahe sane becik puniki ring rahina redite 7 April 2013 wengine sekeha pesantian Paguyuban 276 polih ngayah, akweh sametone sane ngerawuhan acara puniki, minakadi; pekak Mixagrip, kak Mako, kak oscar, kak Pande, kak kupang, kak Kangjahe, kak pasek, lan sane tyosan anggota 276 sane  polih tangkil rahinane punika.